اجمل حروف القصيد يزها الفخر بيتها=ترسم ملامح تباشير الفرح والهنا
جت عبر اثير القلوب و انتشر صيتها=تزف للي نجح كل الشكر والثنا
مرت سكون المشاعر وانبعث ميتها=و نور السعادة تبين للقلوب و دنا
يا ليت كل الحروف أورود يا ليتها=والشعر غصن (ن) تمايل لاجلكم و انثنا
فرحة بيوم النجاح بالحب غنيتها= و اللي غرس جهد عمره للنتايج جنا
اسما التهاني لكم مع شوقي اهديتها=و يستاهل اللي بيدينه للمعالي بنا
هذي النتايج مثل ماني تمنيتها=و الصعب قدام عزم الناجحين انحنا
مبروك ياللي دروب المجد عديتها =وهذا حصاد اهتمامك والتعب والعنا
كل السعادة لكم من قلبي ابديتها= وخليت كل الضلوع تردد الله لنا
والختم دعوة لكم و يدي مديتها= عسا السعادة تدوم اسنين يا ربنا
[ندعوك للتسجيل في المنتدى أو التعريف بنفسك لمعاينة هذه الصورة]